विप्लव नेकपा निकट विद्यार्थी संगठन अखिल क्रान्तिकारीले सरकारले आफू समर्थक पार्टीलाई प्रतिबन्ध लगाएपछि विभिन्न आरोपमा गिरफ्तार गरिएका विद्यार्थी नेताहरुलाई तत्काल रिहा गर्न माग गरेको छ ।
सो संगठनका केन्द्रीय अध्यक्ष चिरञ्जीवि ढकालले आज एक विज्ञप्ति मार्फत बिना कारण गिरफ्तार आफ्नो संगठनका नेताहरुलाई रिहा नगरे कडा संघर्षमा जाने चेतावनी पनि दिएका छन् । विज्ञप्ति मार्फत ढकालले संघर्षका कार्यक्रम पनि सार्वजनिक गरेका छन् ।
सो संगठनले सार्वजनिक कार्यक्रमहरुमा आगामी जेष्ठ ३० र ३१ गते देशव्यापीरुपमा विद्यालय, क्याम्पस र विश्वविद्यालयहरुमा अन्तरकृया गर्ने,विरोध कार्यक्रम।
विरोधका पर्चा वितरण, राष्ट्रिय मानवअधिकार आयोगमा उजुरी, हस्ताक्षर संकलन, भण्डाफोर तथा कोणसभा गर्ने, असार १,२ र ३ गते जुलुस प्रदर्शन गर्ने,असार ४ गते क्याम्पस अगाडी एकघण्टा चक्काजाम गर्ने, साथै असार ६ गते गैह्रन्यायीक गिरफ्तार गरिएका जिल्लाहरुमा शैक्षिक हड्ताल गर्ने रहेका छन् ।
त्यसैगरी माथि उल्लेखित संघर्षका कार्यक्रमबाट पनि नेताहरु रिहा नभए ७ गतेबाट अर्को चरणको कार्यक्रम घोषणा गर्ने रहेको छ ।
