पहाडि जिल्लामा भाडा अनुदानमा चामल वितरण गर्दै आएको राप्ती अंचल खाद्य संस्थान तुलसीपुरको चामल गतवर्ष देखि विक्न छोडेको छ । उपभोक्ताहरु मसिना चामलमा आकर्षीत भएपछि खाद्य संस्थानको चामल विक्न नसकेको संस्थान राप्तीका निमित्त कार्यालय प्रमुख कृष्ण प्रशाद चौधरीले वताए ।
उपभोक्ताहरु हाल मसिनो चामलमा आकर्षीत भएपछि संस्थानको चामल स्टक रहेको खाद्यसंस्थान अंचलकार्यालय राप्तीले जनाएको छ ।
डोल्पा, रुकुमका विभिन्न केन्द्र र सल्यान , प्युठान र दाङका गरी ४ कारागारका लागि ११ हजार २ सय २३ क्वीन्टल खरिदगरेको खाद्यसंस्थान कार्यालय राप्तीमा आर्थिक वर्ष ०७२/०७३को स्टक १ हजार ९ सय ७३ क्वीन्टल गरि जम्मा १३ हजार २ सय ९ क्वीन्टल चामल मध्य ८ हजार ४ सय ७३ क्वीन्टल संवन्धीत ठाउँमा गएको र ४ हजार ७ सय ३५ क्वीन्टल चामल स्टकरहेको खाद्यसंस्थान राप्तीका निमित्त कार्यालय प्रमुख कृष्ण प्रशाद चौधरीले जानकारी दिए ।
भाडामा सरकारी अनुदान दिईएको संस्थानको चामल रुकुम मुसिकोटमा १हजार ६सय १क्वीन्टल, रुकुम शोभागाउँमा ९सय ७०क्वीन्टल , डोल्पाको दुनैमा १हजार ९सय १क्वीन्टल, डोल्पा जुफालमा १हजार क्वीन्टल डोल्पा शर्मिमा ५सय क्वीन्टल डोल्पा लिकुमा ५सय क्वीन्टल , सल्यान प्युठान,र दाङका ४कारागारमा १हजार ३सय २०क्वीन्टल तथा दाङमै फुटकर विक्रि ९क्वीन्टल गरी ८हजार ४सय ७३क्वीन्टल गएको र ४हजार ७सय ३५क्वीन्टल गोदाममै रहेको निमित्त कार्यालय प्रमुख चौधरीले जानकारी दिए ।
ठुला व्यपारीहरुले दुर्गमका वजारमा समेत मसिना चामल पुर्याएको र उपभोक्ताको स्वाद पनि मसिना चामलमै गएकाले संस्थानको चामल बिक्रिदर प्रत्यक वर्ष कमहुँदै गएको खाद्यसंस्थान राप्तीले जनाएको छ ।
कार्यालयका अनुसार आर्थिकवर्ष ०७२/०७३ मा कोटाकै चामल १ हजार ९ सय ७३ क्वीन्टल स्टक थियो
आर्थिकवर्ष ०७३/७४मा त्यसको दोब्वर भन्दा वढि ४ हजार ७ सय ३५ क्वीन्टल चामल गोदाममै रहेको थियो ।
स्टक रहेको चामलमा पनि उसिना चाम ३ हजार क्वीन्टल वढिरहेको जनाईएको छ संस्थानको उसिना चामल भने सुगर फ्रि चामल भन्दै दाङमा विक्रि भैरहेको राप्तीअंचल खाद्य संस्थान तुलसीपुरले जनाएको छ ।
अन्यचामल विक्रिगर्न अनुमति छैन उसिना चामल भने लागत उठाएर विक्रिगर्न विभागले अनुमति दिएकाले केहि मात्रामा उसिना चामल विक्रिहुने कार्यालयका निमित्तकार्यालय प्रमुख चौधरीले वताए ।
विशेष गरि सुगरका रोगीहरु ले यो चामल लिने गरेको कार्यालयले जनाएको छ ।
प्रति क्वीन्टल ३ हजार रुपियाँमा फुटकर उसिना चामल विक्रिगरेको कार्यालयले तुलसीपुरमा हाल सम्म ९ क्वीन्टल चामल वित्रिभएको जनाएको छ ।
खाद्य संस्थान राप्तीले विरगंज , नेपालगंज वर्दियाको राजापुर र विर्तामोड वाट चामल आपुर्ति गर्दैआएको जनाईएको छ ।
